Statkievič: Z apazycyjanerami, što trapiać u parlament, užo padpisany kantrakt
Lider «Eŭrapiejskaj kaalicyi» Mikoła Statkievič prakamentavaŭ «Našaj Nivie» chadu parlamenckaj kampanii.
Lider «Eŭrapiejskaj kaalicyi» Mikoła Statkievič prakamentavaŭ «Našaj Nivie» chadu parlamenckaj kampanii. Nahadajem, što samoha byłoha palitviaźnia Statkieviča nie zarehistravali kandydatam u mienskaj Kołasaŭskaj akruzie z pryčyny niaźniataj sudzimaści.
Ahułam ad «Eŭrapiejskaj kaalicyi» rehistracyju prajšło 22 kandydaty. Mikoła Statkievič kaža, što ŭsie jany mohuć spynić udzieł u vybarach.
«Eŭrapiejskaja kaalicyja» vielmi daŭno farmavała svaje ŭmovy dla ŭdziełu ŭ parlamenckich vybarach: vyzvaleńnie palitviaźniaŭ, skasavańnie ci źmianšeńnie terminu daterminovaha hałasavańnia i nadańnie naziralnikam prava sačyć za padlikam hałasoŭ. Vykananaja tolki pieršaja ŭmova. Nia vyklučana, što praz paru dzion našy kandydaty zajaviać ab spynieńni svajho ŭdziełu ŭ vybarach. Heta nia značyć, što jany buduć zdymacca. Dziela hetaha treba viartać hrošy, što byli vydatkavanyja na ŭlotki i h.d. Chacia, pryznajusia, što mnohija našy kandydaty, pryčym adny z samych mocnych, sami prosiacca źniacca z kampanii. Uvohule, chaču skazać, što ŭdzieł u vybarach patrebien partyjam dla ich macavańnia (jak moładzievym arhanizacyjam patrebien bajkot), ale škada, što mnohija apazycyjanery pačynajuć persanalnuju kampaniju, zamiest taho, kab danieści pasłańnie kaalicyi».
Jakija prahnozy Statkieviča adnosna prysutnaści apazycyjnych palitykaŭ u nastupnym składzie pałaty pradstaŭnikoŭ? «Vypadkovych ludziej tam nia budzie. Z usimi apazycyjanerami što tudy trapiać pieramoŭlena ŭžo siem razoŭ. Heta buduć ludzi na jakich jość kampramat, kštałtu taho, što pakazvać na BT pra dyplamataŭ, ci z hetymi ludźmi ŭžo padpisany kantrakt u adpaviednaj ustanovie. Łukašenka ni z kim nie źbirajecca dzialicca ŭładaj, heta vidavočna. Chutčej za ŭsio što padmanuć i tych apazycyjaneraŭ, jakim paabiacali miescy ŭ parlamencie. Na žal, palityčnyja tendencyi ŭ krainie ŭsio ž admoŭnyja, a nie stanoŭčyja».
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary