Kala vioski Aziarco inśpiektary zatrymali vadziciela, jaki kiravaŭ aŭtamabilem u stanie narkatyčnaha apjanieńnia. Pra heta Tut.by paviedamiła pradstaŭnik DAI Minskaha rajona Kaciaryna Silčanka.
Incydent adbyŭsia 26 listapada kala 14.20. Supracoŭniki DAI spynili «Reno Łohan» adnoj sa staličnych słužbaŭ taksi, jakim kiravaŭ 37-hadovy mužčyna, jaki pa źniešnich prykmietach znachodziŭsia ŭ stanie narkatyčnaha apjanieńnia.
Padčas ahladu aŭtamabila śledča-apieratyŭnaja hrupa vyjaviła i kanfiskavała asabliva niebiaśpiečnaje psichatropnaje rečyva masaj nie mienš 0,83 hrama — amfietamin.
Minski RASK zavioŭ kryminalnuju spravu pa č. 1 art. 328 KK Respubliki Biełaruś (Niezakonnyja biez mety zbytu vyrab, pierapracoŭka, nabyćcio, zachoŭvańnie, pieravozka abo pierasyłka narkatyčnych srodkaŭ, psichatropnych rečyvaŭ abo ich prekursoraŭ abo anałahaŭ). Taksama na mužčynu składzieny administracyjny pratakoł za kiravańnie aŭtamabilem pad narkotykami.
Kiroŭca zatrymany.
