Zatrymany kiroŭca hruzavika, jaki 2 śniežnia źbiŭ naśmierć 11-hadovuju dziaŭčynku ŭ Minsku, paviedamiła aficyjny pradstaŭnik USK pa Minsku Maryna Drańkova.
Kiroŭca — 55-hadovy mužčyna — zatrymany i źmieščany ŭ izalatar časovaha ŭtrymańnia. «Z padazravanym pracujuć śledčyja. Padčas rasśledavańnia kryminalnaj spravy vyśviatlajucca istotnyja akaličnaści — u tym liku dopusk aŭtamabila da ŭdziełu ŭ darožnym ruchu i vadziciela da kiravańnia transpartnym srodkam, - skazała Maryna Drańkova.
Avaryja adbyłasia ŭ Minsku 2 śniežnia, kala 16.20, na ažyŭlenym učastku praśpiekta Pieramožcaŭ kala handlovaha centra «Zamak». Hrupa ludziej pierasiakała piešachodny pierachod na zialony sihnał śviatłafora, kali ŭ jaje zajechaŭ hruzavy aŭtamabil ZIŁ. Pa słovach kiroŭcy, u hruzavika admovili tarmazy. U vyniku DTZ paciarpieli čatyry čałavieki, 11-hadovaja dziaŭčynka pamierła na miescy. Jaje małodšaha brata i babulu, a taksama dvuch darosłych špitalizavali. Pa słovach daktaroŭ, ich žyćciu ničoha nie pahražaje.
Upraŭleńniem SK pa horadzie Minsku była zaviedziena kryminalnaja sprava pa č. 2. art. 317 (Parušeńnie PDR, što paciahnuła pa nieaściarožnaści śmierć čałavieka).
