Nadyšoŭ čas karennym čynam pierahledzić i pieraasensavać dačynieńni z Eŭrasajuzam, zajaviŭ Alaksandar Łukašenka siońnia, prymajučy davierčyja listy pasłoŭ krain ES.
«My susiedzi, u Biełarusi i ES supolnyja intaresy — ad baraćby z teraryzmam, handlem ludźmi, nielehalnaj mihracyi da ekanamičnaj stabilnaści i ŭmacavańnia roli Eŭropy ŭ mižnarodnych spravach, — padkreśliŭ kiraŭnik dziaržavy. — Da taho ž jość rost intaresu eŭrapiejskaha biznesu da našaj krainy, jaki my vitajem i padtrymlivajem», — dadaŭ A. Łukašenka.
«Davajcie hłybiej raźvivać našyja handlovyja i investycyjnyja suviazi. Biełaruś u hetym planie budzie vyhadnym i perspektyŭnym partnioram», — skazaŭ Łukašenka
Pry hetym jon zaznačyŭ, što «na karačkach paŭźci i prasicca ŭ ahulnaeŭrapiejski dom nia budziem». Ź jahonych słovaŭ, «kali Eŭropa nas nia prymie, to my zmožam zamiaścić našyja adnosiny, u pieršuju čarhu ŭ ekanomicy, adnosinami z takimi dziaržavami jak Venesueła i Iran».