Načalniku hałoŭnaha ŭpraŭleńnia
ŭnutranych spraŭ
Minskaha haradskoha vykanaŭčaha kamiteta
hramadzianina Sidareviča Anatola Michajłaviča, jaki pražyvaje pa adrasu: h. Minsk,
vuł. Kalinoŭskaha, d. 63, kv. 72
ZAJAVA
Panie načalnik,
ź pieršych čysłaŭ vieraśnia kryminalny vyšuk Pieršamajskaha rajona h. Minska pačaŭ sapraŭdny pieraśled majoj asoby.
15 vieraśnia ja źviarnuŭsia z zajavaj na imia načalnika Pieršamajskaha RUUS (kopija dadajecca).
Zamiest taho kab atrymać piśmovy adkaz na zajavu, 22 vieraśnia ja znoŭ byŭ vyklikany da telefona. Supracoŭnik kryminalnaha vyšuku znoŭ damahaŭsia, kab ja źjaviŭsia ŭ milicyju, tak i nie rastłumačyŭšy, u jakaści kaho (paciarpleha, śviedki ci zapadozranaha) mianie vyklikaje. Pry hetym jon spasyłajecca na niejki zahad, pavodle jakoha pavinny być dapytanyja (ci apytanyja?) usie mužčyny, jakija naradzilisia ad 1938 da 1991 hoda.
Načalnik UUS Pieršamajskaha rajona i jaho padnačalenyja nie zrazumieli sutnaść majoj zajavy ad 15 vieraśnia 2008 h.
Ja patrabuju, kab kryminalny vyšuk pakinuŭ mianie ŭ spakoi.
Dziejańni kryminalnaj milicyi Pierašamajskaha rajona ja rasceńvaju jak psichałahičny teror.
Na mierapryjemstvy, jakija ładzić ułada, tym bolš tudy, dzie źbirajecca masa pjanych ludziej, ja nie chadžu. Pra padziei 3 lipienia ja daviedaŭsia apoŭdni 4 lipienia. (Radyjokropki i televizara nie trymaju, a radyjopryjomnik nie ŭklučaŭ.)
Vybuchovych rečyvaŭ, jak ja ŭžo napiaŭ, vyrablać nie ŭmieju.
Pra padrychtoŭku vybuchu ja nie čuŭ i nie viedaŭ.
Dakazvać svajo alibi i niedatyčnaść da padziej 3 lipienia nie maju namieru. Heta kryminalnamu vyšuku treba pradjavić arhumienty, što ja maju dačynieńnie da vybuchu 3 lipienia ci źjaŭlajusia jaho śviedkam. I vyklikać mianie pozvaj.
Prachodzić daktyłaskapiju i zdavać ślinu na padstavie niejkaha nie apublikavanaha da ahulnaha viedama zahadu admaŭlajusia, bo nie baču dla hetaha zakonnych padstaŭ.
Paŭtaraju: ja patrabuju, kab kryminalny vyšuk pakinuŭ mianie ŭ spakoi.
