Hałasavańnie ŭ druhim tury vybaraŭ u rehijanalnuju Asambleju pačałosia ŭ niadzielu ranicaj na Korsicy. Ludziam na vostravie treba budzie abrać deputataŭ u hety adziny dla Korsiki orhan miascovaha samakiravańnia, ad jakoha zaležyć budučy status rehijonu ŭ składzie Francyi.
Pravam hołasu na Korsicy vałodajuć kala 234 tys. čałaviek. Na hałasavańni vyrašajecca los 63 deputackich mandataŭ Asamblei vyspy, jakaja budzie abranaja na termin da 2021 hoda.
Asablivuju važnaść hetyja vybary nabyvajuć u śviatle taho, što z 1 studzienia 2018 hady dva departamienty, na jakija padzieleny vostraŭ — Vierchniaja Korsika i Paŭdniovaja Korsika — buduć abjadnany ŭ novaje ahulnaje terytaryjalnaje ŭtvareńnie z bolš vysokim uzroŭniem aŭtanomii.
Biassprečnym favarytam vybaraŭ źjaŭlajecca nacyjanalistyčny błok «Za Korsiku», jaki ŭpeŭniena pieramoh u pieršym tury vybaraŭ tydzień tamu, nabraŭšy 45,36% hałasoŭ. Čakajecca, što błok «Za Korsiku» atrymaje pieramohu i ŭ druhim tury, harantavaŭšy sabie bolšaść u Asamblei. Pry hetym havorki pra sproby adździaleńnia ad Francyi pakul nie idzie.
