Krasnajarskija čynoŭniki nie adkazvajuć na pytańni žurnalistaŭ pra miescaznachodžańnie kapsuły z pracham opiernaha śpievaka Dźmitryja Chvarastoŭskaha. Pra heta paviedamlaje partał Ngs.24.
Artyst pamior u Łondanie 22 listapada. Pavodle zaviaščańnia, jaho prach padzialili na dźvie častki, adnu častku pachavali ŭ Maskvie 28 listapada, druhuju dastavili ŭ jaho rodny Krasnajarsk na nastupny dzień.
Jak piša partał, delehacyju uładaŭ kraju pa prybyćci z Maskvy nie sustrakali. Žurnalisty źviartalisia z pytańniami pra los astankaŭ śpievaka va ŭrad kraju. Adziny kamientar dała ministr kultury Alena Mironienka: pa jaje słovach, kapsułu dastavili ŭ Krasnajarsk.
U krasnajarskim ŭradzie paviedamili, što kapsuła z pracham «źmieščana na adkaznaje zachoŭvańnie ŭ śpiecyjalizavanaje dla hetaha miesca». «My pasprabavali vyśvietlić, ab čym idzie havorka, kali budzie cyrymonija raźvitańnia. Ale Alena Mironienka adkazvać admoviłasia, zajaviŭšy, što «žurnalisty pierakručvajuć jaje słovy», — piša Ngs.24.
Pres-słužba ministerstva pakul nie prakamientavała situacyju.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary