Niedaloka ad viości Piaski Lidskaha rajonu viečaram 14 śniežnia troje złamyśnikaŭ, pahražajučy taksistu pradmietam padobnym na pistalet, ździejśnili napad i abrabavali kiroŭcu. Napadniki vyciahnuli mužčynu z aŭto, zabrali 206 biełaruskich rubloŭ i 20 dalaraŭ ZŠA — i źjechali na jahonym aŭtamabili ŭ nieviadomym napramku, paviedamlaje UUS Hrodzienskaha abłvykankamu.
Paśla skarhi abrabavanaha kiroŭcy ŭ milicyju, u šaści rajonach vobłaści byŭ uviedzieny płan «Pierachop». Złamyśniki nie zdoleli daloka źjechać, bo pierad napadam užyvali ałkahol — i ŭ vyniku trapili ŭ DTZ.
Jak vyśvietliłasia, usie ŭdzielniki napadu raniej mieli prablemy z zakonam, a pnieŭmatyčny pistalet, jakim pahražali kiroŭcy taksi, jany skrali ŭ svajho znajomaha. Zaraz im pahražaje pakarańnie pavodle častki druhoj artykułu «Rabavańnie» — ad šaści da piatnaccaci hod z kanfiskacyjaj majomaści.
