Małdova adklikała svajho ambasadara z Maskvy «dla kansultacyj», paviedamiła Ministerstva zamiežnych spraŭ i jeŭraintehracyi hetaj krainy.
Jak paviedamlajecca na sajcie ministerstva, adklikańnie ambasadara Andreja Niahucu «źviazanaje z vypadkami pieraśledu i zapałochvańnia orhanami Rasijskaj Fiederacyi aficyjnych asob i palityčnych dziejačoŭ Respubliki Małdova».
U paviedamleńni taksama havorycca pra nieadnarazovyja aficyjnyja zvaroty małdoŭskich uładaŭ i adsutnaść reakcyi ŭładaŭ Rasii na ich, a taksama pra narastańnie intensiŭnaści cisku na pradstaŭnikoŭ Małdovy.
U svaju čarhu prezident Małdovy Ihar Dadon užo zajaviŭ, što adklikańnie ambasadara ministerstvam heta niesiabroŭskaja akcyja, jakaja była zroblena napiaredadni zapłanavanaha vizitu ŭ Maskvu pa zaprašeńni prezidenta Rasijskaj Fiederacyi Uładzimira Pucina.
«Kali metaj hetaj pravakacyi źjaŭlajecca zryŭ majho vizitu ŭ Rasiju, to jana nie budzie mieć efiektu: ja nie maju namieru mianiać svaje płany i ździejśniu vizit u Rasiju ŭ lubym vypadku», — cytuje TASS kamientar Dadona adnosna rašeńnia Ministerstva zamiežnych spraŭ Małdovy.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary