Usiaho na supraćdziejańnie rasijskaj prapahandzie Łondan vydatkoŭvaje 5 miljonaŭ funtaŭ sterlinhaŭ, Polšča — stolki ž.
Vialikabrytanija i Polšča raspačnuć realizacyju sumiesnaha prajekta pa supraćdziejańni «rasijskim infarmacyjnym apieracyjam» u rehijonie. Pra heta ŭ čaćvier abvieścić brytanskaja premjerka Tereza Mej, paviedamlaje rasijskaje ahienctva RIA Naviny sa spasyłkaj na pradstaŭnika kancylaryi brytanskaha ŭrada.
Mej 21 śniežnia adpravicca ŭ Varšavu, dzie voźmie ŭdzieł u štohadovym dvuchbakovym samicie. Vizit Mej paklikany prademanstravać namier umacoŭvać adnosiny dźviuch krain, niahledziačy na vychad Brytanii ź ES. Razam z Mej jeduć niekalki brytanskich ministraŭ, u tym liku kiraŭnik MZS, kiraŭnik Minfina, kiraŭnik MUS i ministr abarony.
Zaklučeńnie pahadnieńnia płanujecca za niekalki dzion da vizitu ministra zamiežnych spraŭ Vialikabrytanii Barysa Džonsana ŭ Maskvu.
«Premjer hatovaja ŭchvalić ŭmacavańnie polska-brytanskaha supracoŭnictva pa supraćdziejańni rasiejskaj dezinfarmacyi ŭ rehijonie, u tym liku praz stvareńnie novych dvuchbakovych prajektaŭ u halinie kamunikacyi. Brytanija vydzielić na hetyja mety 5 miljonaŭ funtaŭ sterlinhaŭ, Polšča vydzielić stolki ž», — skazaŭ pradstaŭnik kancylaryi.
«Prajekt nakiravany na ŭmacavańnie našych mahčymaściaŭ pa vyjaŭleńni i supraćdziejańni rasijskim infarmacyjnym apieracyjam, a taksama na padtrymku finansavanaha Polščaj telekanała Belsat, jaki zabiaśpiečvaje žycharoŭ Biełarusi biesstarońniaj i abjektyŭnaj infarmacyjaj», — dadaŭ pradstaŭnik brytanskaha ŭrada.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary