Vysoki sud Anhlii vydaŭ zahad pra suśvietny aryšt aktyvaŭ ŭkrainskich biznesmienaŭ Ihara Kałamojskaha i Hienadzia Bahalubava. Pra heta rbc.ua sa spasyłkaj na pres-słužbu «Pryvatbanka».
«Pryvatbank» pačaŭ sudovy praces u Vysokim sudzie Łondana suprać svaich byłych uładalnikaŭ i kiraŭnikoŭ — Ihara Kałamojskaha i Hienadzia Bahalubava.
19 śniežnia Vysoki sud Anhlii vydaŭ zahad pra suśvietny aryšt aktyvaŭ Kałamojskaha i Bahalubava i šaści kampanij, jakija im jak miarkujecca naležać abo znachodziacca pad ich kantrolem», — havorycca ŭ paviedamleńni. Jak adznačyli ŭ banku, zahad ab aryšcie aktyvaŭ byŭ vydadzieny na padstavie pradstaŭlenych sudu detalovych dokazaŭ, jakija dakazvajuć, što Kałamojski i Bahalubaŭ vyvieli z banka amal 2 młrd dalaraŭ šlacham praviadzieńnia šerahu niezakonnych apieracyj, u vyniku jakich srodki pieravodzilisia na kampanii, jakija im tajemna naležali abo byli pad ich kantrolem.
«Šlacham hetaha pracesu Pryvatbank płanuje viarnuć srodki, suma jakich razam z pracentami składaje bolš za 2,5 młrd dalaraŭ», — padkreślili ŭ pres-słužbie.
Kamientary