Mižnarodny alimpijski kamitet (MAK) pazbaviŭ dvuch srebnych miedaloŭ Alimpijskich hulniaŭ 2014 hoda rasijskaha sanačnika Albierta Dziemčanku, a taksama pažyćciova adchiliŭ jaho i jašče dziesiać rasijskich spartoŭcaŭ ad udziełu ŭ Alimpijadach u luboj jakaści. Pra heta paviedamlaje pres-słužba MAK.
Albiert Dziemčanka
U Sočy ŭ 2014 hodzie Dziemčanka zavajavaŭ srebra ŭ spabornictvach adzinočak. Jašče adnu siarebranuju ŭznaharodu jon zavajavaŭ u estafiecie razam z Taćcianaj Ivanovaj, Alaksandram Dzianisjevym i Uładzisłavam Antonavym.
Dziemčanka, jaki zaviaršyŭ karjeru spartoŭca ŭ 2014 hodzie, u ciapierašni čas zajmaje pasadu hałoŭnaha treniera zbornaj Rasii pa sannym sporcie.
Akramia Albierta Dziemčanki, ad Alimpijad pažyćciova adchilenyja taksama Ivan Skobraŭ, Mikita Krukaŭ, Taćciana Ivanova, Alaksandr Biaśśmiertnych, Ludmiła Udobkina, Arciom Kuźniacoŭ, Natalla Matviejeva, Taćciana Buryna, Hanna Ščukina i Maksim Białuhin.
