Biełaruskich miedykaŭ, jakich utrymlivali ŭ Livii, vyvieźli z krainy

Traŭmatołah Siarhiej i jaho žonka, miedsiastra Ina, jakich dva miesiacy nie vypuskali ź Livii, zmahli vylecieć z krainy. Siońnia jany pavinny viarnucca ŭ Biełaruś.

— Ciapier užo jość nadzieja, što voś-voś situacyja vyrašycca, i my apyniemsia na radzimie, — raspaviała ŭ aŭtorak viečaram Ina. — Bolš za miesiac my chadzili pa kole, kanflikt nie vyrašaŭsia, a adrazu paśla artykuła na partale z nami źviazalisia rasijskija dypłamaty i prapanavali svaju dapamohu.

11 śniežnia rodnyja biełaruskich miedykaŭ źviarnulisia ŭ Tut.by i raspaviali: traŭmatołaha Siarhieja i miedsiastru Inu nie vypuskajuć ź Livii. Para źjechała tudy pracavać 7 hadoŭ tamu pa zaprašeńni Muamara Kadafi, uładkavałasia pracavać u dziaržaŭny špital. Roźnica ŭ zarobku była istotnaj — miedsiastry adrazu prapanavali tysiaču dalaraŭ, jaje mužu 2-3 tysiačy. A hod tamu jany pierajšli pracavać u pryvatnuju kliniku.

- Muža sprabavali ŭhavaryć zaklučyć kantrakt na 5 hadoŭ, adnak z ulikam ciažkaj situacyi ŭ krainie jon admoviŭsia. U vyniku damovilisia — pracujem da 25 kastryčnika 2017 hoda, pakul nie skončycca pracoŭnaja viza, i vyjazdžajem u Biełaruś, - raspaviadała Ina. - - U vajujučaj krainie traŭmatołah na vahu zołata. Ale my byli nastrojenyja kateharyčna i navat kupili kvitki na samalot, 5 listapada z mužam pavinny byli pakinuć Liviju. I pačałosia. Na nas stali vyklikać palicyju, pahražać turmoj, prychodzili niejkija ludzi ŭ vajennaj formie i patrabavali padpisać dakumienty na arabskaj movie.

Muž i žonka źviarnulisia pa dapamohu ŭ palicyju, ale tam u ich zabrali pašparty.

- Kali vy napisali našu historyju, z nami źviazalisia dypłamaty z pasolstva Rasii ŭ Tunisie i prapanavali dapamohu, — raspaviadaje Ina. — Tak jak dakumientaŭ na rukach niama, za nami pryjechaŭ čałaviek i pravioz praz usie błokpasty ŭ Trypali. Zasialiŭ u adnu z najlepšych haścinic i ni na chvilinu nie pakidali adnych, ci mała što. Mnie pašpart viarnuli, a voś mužu dali dazvoł na vyjezd, pa jakim jon zmoža viarnucca na radzimu. My ŭžo lacim dadomu!

U aŭtorak Ina i Siarhiej vylecieli z Trypali ŭ Turcyju, a ŭ sieradu ranicaj — u Maskvu.

— Čakajem, što na praciahu dnia jany viernucca na radzimu, — kažuć svajaki.

• 0
• 0
• 0
• 0
• 0