U piatnicu i subotu na terytoryi Biełarusi budzie haspadaryć babina leta, kali zachavajecca soniečnaje i ciopłaje nadvorje, paviedamiŭ redakcyi načalnik słužby hidramieteaprahnozaŭ Respublikanskaha hidramieteacentra Dzmitryj Rabaŭ.
U hetyja dva dni ŭnačy i ranicaj miescami budzie naziracca słaby tuman. Tempieratura pavietra ŭnačy 2—7 ciapła, u asobnych rajonach na hlebie zamarazki da 0 — minus 2 hradusaŭ, udzień — 12—18 hradusaŭ.
Adnak u niadzielu charaktar nadvorja istotna źmienicca pad upłyvam cykłonaŭ z boku Atłantyki. Stanie pachmurna i davoli vilhotna.U niadzielu ŭnačy pa paŭnočnym uschodzie, a ŭ dzień miescami projduć karotkačasovyja daždžy. Tempieratura pavietra ŭnačy 5—10 ciapła, udzień — 8—13, pa poŭdni da plus 17 hradusaŭ. U paniadziełak praciahłyja vosieńskija daždžy buduć naziracca pa ŭsioj terytoryi krainy, u aŭtorak apadki čakajucca miescami, u sieradu — znoŭ mocnyja daždžy. Tempieratura pavietra ŭnačy 3—9, udzień — 6—12 hradusaŭ.
Zhodna z papiarednimi prahnozami, pieršyja 5 dzion kastryčnika buduć davoli daždžlivymi, potym na praciahu tydnia prahnazujecca istotnaje pachaładańnie. Razam z tym prykładna ŭ siaredzinie kastryčnika čakajecca niekalki ciopłych soniečnych dzion treciaj, apošniaj chvali babinaha leta.
0
0
0
0
0
0
