Бабіна лета прастаіць толькі пятніцу і суботу, а ў нядзелю на Беларусь прыйдзе цыклён з Атлянтыкі.
У пятнiцу i суботу на тэрыторыi Беларусi будзе гаспадарыць бабiна лета, калi захаваецца сонечнае i цёплае надвор’е, паведамiў рэдакцыi начальнiк службы гiдраметэапрагнозаў Рэспублiканскага гiдраметэацэнтра Дзмiтрый Рабаў.
У гэтыя два днi ўначы i ранiцай месцамi будзе назiрацца слабы туман. Тэмпература паветра ўначы 2—7 цяпла, у асобных раёнах на глебе замаразкi да 0 — мiнус 2 градусаў, удзень — 12—18 градусаў.
Аднак у нядзелю характар надвор’я iстотна зменiцца пад уплывам цыклонаў з боку Атлантыкi. Стане пахмурна i даволi вiльготна.У нядзелю ўначы па паўночным усходзе, а ў дзень месцамi пройдуць кароткачасовыя дажджы. Тэмпература паветра ўначы 5—10 цяпла, удзень — 8—13, па поўднi да плюс 17 градусаў. У панядзелак працяглыя восеньскiя дажджы будуць назiрацца па ўсёй тэрыторыi краiны, у аўторак ападкi чакаюцца месцамi, у сераду — зноў моцныя дажджы. Тэмпература паветра ўначы 3—9, удзень — 6—12 градусаў.
Згодна з папярэднiмi прагнозамi, першыя 5 дзён кастрычнiка будуць даволi дажджлiвымi, потым на працягу тыдня прагназуецца iстотнае пахаладанне. Разам з тым прыкладна ў сярэдзiне кастрычнiка чакаецца некалькi цёплых сонечных дзён трэцяй, апошняй хвалi бабiнага лета.
Чаму кіраўніком сваёй Адміністрацыі Лукашэнка паставіў Дзмітрыя Крутога? Ён можа стаць пераемнікам?3
Каментары