U Viciebsku 25 vieraśnia adbyłasia ŭračystaja cyrymonija adkryćcia miemaryjalnaj doški narodnamu piśmieńniku Biełarusi Vasilu Bykavu.
Doška raźmieščana na budynku dziciačaj mastackaj škoły № 1 po vulicy Suvorava, 3, jakaja znachodzicca ŭ centry horada. U hetym domie raniej znachodziłasia mastackaje vučylišča, u jakim pierad Vialikaj Ajčynnaj vajnoj, u 1939—1940 hadach, na skulpturnym adździaleńni vučyŭsia Bykaŭ.
Miemaryjalnaja doška vyrablena z bronzy i ŭjaŭlaje saboj stylizavanuju ramku ŭ vyhladzie arki, unutry jakoj źmieščany partret piśmieńnika i busieł jak simvał Biełarusi. Na došcy nadpis na biełaruskaj movie: «U hetym budynku z 1939 pa 1940 hod vučyŭsia narodny piśmieńnik Biełarusi Vasil Bykaŭ». Aŭtarami kampazicyi źjaŭlajucca viciebskija skulptary, členy Biełaruskaha sajuza mastakoŭ Valeryj Mahučy i Alaksandr Hvoździkaŭ.
