Na fota — akcyja ŭ Maładziečnie 10 sakavika, paśla jakoj A. Labiedźka, Ju. Hubarevič, V. Rymašeŭski i V. Kavalkova byli žorstka zatrymanyja i atrymali pa 15 sutak, fota Nastaśsi Roŭdy
Amal usie «maršy niedarmajedaŭ», jakija prajšli ŭ Biełarusi ŭviesnu 2017 hoda, arhanizoŭvała Abjadnanaja hramadzianskaja partyja. Pra heta ŭ žyvym efiry AHP-TB raspavioŭ lidar partyi Anatol Labiedźka, paviedamlaje Tut.by
- Jość takoje mierkavańnie, što heta ŭsio samo pa sabie źjaviłasia (maršy pratestu). Heta nie zusim tak. Było 17 «maršaŭ nietdarmajedaŭ», da arhanizacyi 14-ci my, jak partyja, majem niepasrednaje dačynieńnie, - skazaŭ Labiedźka.
Pa słovach lidara AHP, u vialikich haradach arhanizacyjaj zajmalisia aktyvisty partyi, a žychary rajonnych, naprykład, Maładziečna i Pinska, praz sacsietki prasili Labiedźku arhanizavać maršy pratestu ŭ ich haradach.
- I tam vyjšła tysiača čałaviek i heta było kruta. Ale važna było, kab ludzi byli hatovyja heta zrabić. U hety raz nam vielmi dapamahli ułady: adna sprava, kali kažuć, što pryjduć i zabiaruć niejkuju abstraktnuju tysiaču dalaraŭ, a inšaje - kankretnyja hrošy. Hety dekret byŭ katalizataram, - raspavioŭ Labiedźka.