Alaksandr Łukašenka 8 studzienia padpisaŭ ukaz ab prysudžeńni śpiecyjalnaj premii prezidenta Respubliki Biełaruś «Biełaruski spartyŭny Alimp» 2017 hoda, paviedamlaje pres-słužba kiraŭnika krainy.
U pryvatnaści, premii ŭdastojena hałoŭny trenier nacyjanalnaj kamandy pa skačkach na batucie Volha Ułasava, što vychavała plejadu batutystaŭ, siarod jakich alimpijski čempijon 2016 hoda Uładzisłaŭ Hančaroŭ. Łaŭreatam premii taksama staŭ telekamientatar Uładzimir Navicki.
Jak adznačaje pres-słužba, dypłom łaŭreata premii za paśpiachovy vystup na mižnarodnych spabornictvach, aktyŭnuju hramadzianskuju pazicyju, pavažlivaje staŭleńnie da dziaržaŭnych simvałaŭ Respubliki Biełaruś atrymaje člen nacyjanalnaj kamandy pa lohkaj atletycy, majstar sportu Vijaleta Skvarcova.
Nahadajem, što na cyrymonii ŭznaharodžańnia čempijanatu Jeŭropy ŭ lipieni 2017 hoda Vijaleta pakinuła pjedestał honaru ŭ znak pratestu suprać vykanańnia himna inšaj krainy zamiest Dziaržaŭnaha himna Biełarusi, niahledziačy na pahrozu mahčymych sankcyj
