BSDP (Hramada) sudziłasia z administracyjaj Pieršamajskaha rajona Minska, bo ŭ vybarčyja kamisii nie ŭziali nivodnaha partyjca
U aŭtorak, 9 studzienia, sud Pieršamajskaha rajona Minska admoviŭ BSDP (Hramada) u skarzie da administracyi hetaha rajona stalicy.
Namieśnik staršyni BSDP (Hramada) Alaksiej Sihajeŭ paviedamiŭ «Našaj Nivie», što partyja źviartałasia sa skarhaj u sud na rašeńnie administracyi Pieršamajskaha rajona ab farmavańni vybarčych kamisij.
Z 8 čałaviek, prapanavanych partyjaj u jakaści pradstaŭnikoŭ učastkovych kamisii, rajonnaja administracyja Pieršamajskaha rajona nie prapuściła nivodnaha.
«My nie spadziavalisia na niejkaje stanoŭčaje rašeńnie suda. Naŭrad ci sud moh admianić rašeńnie administracyi rajona. Ale ŭ sud my išli dla taho, kab pakazać, što nie budziem heta «prahłynać». My nie chočam, kab manipulacyi z utvareńniem kamisii prosta tak sychodzili z ruk administracyi», — paviedamiŭ namieśnik staršyni BSDP (Hramada).
Usiaho pa krainie BSDP (Hramada) sprabavała vyłučyć 21 pradstaŭnika va ŭčastkovyja kamisii (u Minsku 10 čałaviek, u Breście 6 i Vierchniadźvinsku 5).
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary