Synu Bialackaha pahražaje 2,5 hoda źniavoleńnia za pravakatyŭny pierformans u Aśviencimie
U rajonnym sudzie polskaha Aśviencima praciahvajecca razhlad spravy ab apahańvańni miesca pamiaci. Abvinavačanych — 12 čałaviek, u tym liku 4 biełarusy.
24 sakavika 2017 hoda hrupa z 12 čałaviek praviała kala bramy byłoha nacysckaha kancłahiera Aŭšvic «antyvajenny pratest». Udzielniki pierformansu zabili jahnia, paviesili na bramu z nadpisam «Arbeit Macht Frei» banier «Love», raździelisia dahała i skavalisia naručnikami.
Videa pierformansu spačatku było vystaŭlenaje ŭ sacyjalnyja sietki, ale paśla jaho vydalili.
Jak paviedamlaje «Hazieta Krakoŭska», prakuror zapatrabavaŭ dla šarahovych udzielnikaŭ 1 hod i 4 miesiacy abmiežavańnia svabody, što ŭjaŭlała b saboj 32 hadziny sacyjalnaj pracy na miesiac ciaham hetaha času.
A voś arhanizataram akcyi pahražajuć realnyja terminy. Adamu B. — 2 hady i 6 miesiacaŭ źniavoleńnia, a Mikitu V. — 2 hady i 2 miesiacy źniavoleńnia.
Adam Bialacki — student Vyšejšaj dziaržaŭnaj škoły kiniematohrafa, telebačańnia i teatra ŭ Łodzi. Jon syn biełaruskaha pravaabaroncy Alesia Bialackaha.
Jahony siabar Mikita Vaładźko — navučeniec Vyšejšaj teatralnaj škoły ŭ Krakavie pa śpiecyjalnaści «režysura». Jon ihraŭ u «Svabodnym teatry», byŭ režysioram tvorčaj łabaratoryi pry teatry.
Prysud budzie ahučany 17 studzienia.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary