Usie pradmiety harderoba majuć šeść typaŭ datčykaŭ, jakija adsočvajuć tempieraturu cieła, cisk, pracent tłuščaŭ u arhaniźmie i ŭzrovień hidratacyi, a taksama kantralujuć ruchavuju aktyŭnaść čałavieka. Adnak mikraakumulatar, jaki siłkuje sensary, patrabuje źniešniaj padzaradki.
Uładalniki startapa zajavili, što bializna źbiraje hetyja źviestki dla taho, kab intehravać ich u sistemu kiravańnia «razumnymi pamiaškańniami». Naprykład, aŭtamatyčna rehulavać termastat u pakoi ŭ zaležnaści ad tempieratury cieła čałavieka, albo samastojna mianiać płejlist u zaležnaści ad emacyjnaha stanu karystalnika.
Nastupnym etapam maje być supracoŭnictva sa stvaralnikami anłajn-hulniaŭ — kab zrabić mahčymaj źmienu hulniavoha atačeńnia ŭ zaležnaści ad uzroŭniu stresu hiejmiera.
Za ŭsie hetyja dabradziejstvy cyvilizacyi raspracoŭščyki prosiać niemałyja hrošy. Košt razumnych majtkoŭ [zaznačym, što jość i žanočyja, i mužčynskija madeli], da prykładu — 360 rubloŭ, ale tym, chto zrobić pieradzamovu, startapiery abiacajuć značnyja źnižki.
