Амерыканскі стартап Myant адкрыў папярэднюю замову на «разумныя майткі» і «разумны топ-бра», якія збіраюць дадзеныя пра арганізм уладальніка. У тканіну ўплеценыя мікрасэнсары, сігнал з якіх перадаецца спецыяльнай праграме на смартфоне.
Усе прадметы гардэроба маюць шэсць тыпаў датчыкаў, якія адсочваюць тэмпературу цела, ціск, працэнт тлушчаў у арганізме і ўзровень гідратацыі, а таксама кантралююць рухавую актыўнасць чалавека. Аднак мікраакумулятар, які сілкуе сэнсары, патрабуе знешняй падзарадкі.
Уладальнікі стартапа заявілі, што бялізна збірае гэтыя звесткі для таго, каб інтэграваць іх у сістэму кіравання «разумнымі памяшканнямі». Напрыклад, аўтаматычна рэгуляваць тэрмастат у пакоі ў залежнасці ад тэмпературы цела чалавека, альбо самастойна мяняць плэйліст у залежнасці ад эмацыйнага стану карыстальніка.
Наступным этапам мае быць супрацоўніцтва са стваральнікамі анлайн-гульняў — каб зрабіць магчымай змену гульнявога атачэння ў залежнасці ад узроўню стрэсу геймера.
За ўсе гэтыя дабрадзействы цывілізацыі распрацоўшчыкі просяць немалыя грошы. Кошт разумных майткоў [зазначым, што ёсць і жаночыя, і мужчынскія мадэлі], да прыкладу — 360 рублёў, але тым, хто зробіць перадзамову, стартаперы абяцаюць значныя зніжкі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў18
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары