Wiese / face to face / Globallookpress.com
Śpiavak Ryki Marcin ažaniŭsia sa svaim bojfrendam, šviedskim mastakom kurdskaha pachodžańnia Džvanam Jusefam. Pra heta paviedamlaje E! News.
Śpiavak raspavioŭ karespandentu vydańnia, što šlub užo zaklučany, ale viasiella pakul nie było. Pavodle jaho słoŭ, jany skłali šlubnyja abiacańni, padpisali ŭsie nieabchodnyja dakumienty i zaklučyli šlubnuju damovu. «Jon moj muž, moj mužčyna», — zajaviŭ Marcin.
Dakładnaja data viasiella pakul nie vyznačana, ale śpiavak raźličvaje adznačyć padzieju praz paru miesiacaŭ. Śviatkavańnie budzie praciahvacca try dni. «Vy budziecie pieršym, chto pra heta daviedajecca», — zapeŭniŭ jon žurnalista.
46-hadovy Marcin paznajomiŭsia z 33-hadovym Jusefam u 2016 hodzie, kali šukaŭ tvory mastactva dla svajoj kalekcyi. Pastupova dziełavyja adnosiny pieraraśli ŭ asabistyja. U listapadzie 2016 hoda śpiavak abviaściŭ ab zaručynach na telešou Elen Dedženieres.
Pra svaju homaseksualnaść artyst paviedamiŭ u 2010 hodzie. Na praciahu čatyroch hadoŭ Marcin byŭ u adnosinach z ekanamistam Karłasam Hansalesam Abieła. Razam ź im jany hadavali dvuch dziaciej, dvuch chłopčykaŭ. Adnak u 2014-m para raspałasia.
Ryki Marcin atrymaŭ suśvietnuju viadomaść ŭ 1999 hodzie paśla vychadu alboma Livin 'la Vida Loca. Adnajmiennaja pieśnia stała adnym z samych pradavanych sinhłaŭ u historyi.
* * *
Udakładnieńnie. Imia Džvana Jusefa ŭ raniejšaj viersii artykuła było niapravilna transkrybavanaje na biełaruskuju movu.
