Pra heta paviedamili pieršymi ŭ akaŭncie ČP-Homiel
«Na Prypiackim moście pantonnaja pieraprava papłyła pa ciačeńni. Z-za patoku lodu nie vytrymali trosy pantonnaha mosta».
U toj momant na moście nikoha — ni aŭtamabilaŭ, ni ludziej — nie było.
«Z-za rezkaha źmianieńnia ŭmoŭ nadvorja akazałasia sarvanym macavańnie mosta. Prymajucca miery pa adnaŭleńni. Płanujecca, što pieraprava budzie adnoŭlenaja na praciahu dnia», — raspavioŭ BiełTA načalnik upraŭleńnia infarmacyi Ministerstva abarony Uładzimir Makaraŭ.
Nahadajem, što 7 śniežnia stała viadoma, što amal 900-mietrovy most cieraz Prypiać tresnuŭ i prasieŭ, u vyniku ruch transpartu i piešachodaŭ byŭ spynieny. Kab jechać u abjezd, treba było prajechać dadatkovyja 250 kiłamietraŭ.
10 śniežnia vajskoŭcy naviali pantonnuju pierapravu, praź jakuju puścili transpart.
