U XXIII zimovych Alimpijskich hulniach u Pchienčchanie vystupiać 29 biełaruskich atletaŭ u šaści vidach sportu, paviedamlaje Nacyjanalny Alimpijski Kamitet Biełarusi.
My ŭbačym baraćbu biełarusaŭ za miedali ŭ bijatłonie, harnałyžnym sporcie, kańkabiežnym sporcie, łyžnych honkach, frystajle i šort-treku.
Na siońniašni dzień aficyjna paćvierdžanyja licenzii (kvoty) na Alimpijskija hulni ŭ bijatłonie, kańkabiežnym sporcie, šort-treku. Va ŭsich astatnich vidach sportu licenzii źjaŭlajucca pramiežkavymi. Kančatkovaja kolkaść licenzij na zimovyja Alimpijskija hulni stanie viadomaja ŭ kancy studzienia.
Skład biełaruskich udzielnikaŭ Hulniaŭ pa frystajle i łyžnych honkach vyznačycca paśla 23 studzienia pa vynikach udziełu ŭ mižnarodnych spabornictvach pavodle rejtynhu.
Zimovyja Alimpijskija hulni ŭ Pchiončchanie projduć z 9 pa 25 lutaha.
