Aktyvista, jaki stvaryŭ sajt-manitorynh pustych abiacańniaŭ čynoŭnikaŭ, zvolnili z pracy
Na dniach u Biełarusi zapracavaŭ sajt promise.by, jaki ŭ zručnaj formie dapamahaje sačyć za vykanańniem abiacańniaŭ čynoŭnikaŭ i inšych miedyjnych asob.
Stvaryŭ jaho były brasłaviec Pavieł Savicki. Pavieł pracavaŭ u dziaržaŭnaj ustanovie ŭ Minsku i adrazu paśla taho, jak infarmacyja pra jaho prajekt źjaviłasia ŭ ŚMI, kiraŭnictva paprasiła jaho zvolnicca pa pahadnieńni bakoŭ.
Ale chłopiec z hetaj nahody nie asabliva zasmuciŭsia: usio roŭna chacieŭ mianiać pracu. Ź siońniašniaha dnia jon u pošukach novaha miesca. Svoj sajt chłopiec płanuje raźvivać i dalej.
«Ja nie liču heta niejkaj trahiedyjaj. Kiraŭnictva ničoha asabliva nie tłumačyła, prosta parazmaŭlali, skazali, što ja zrabiŭ niepryhoža adnosna ich. Prapanavali zvolnicca. Ja ŭsio roŭna chacieŭ ciaham hoda adtul syści, tamu adrazu padpisaŭ zajavu na zvalnieńnie. Novuju pracu chaciełasia b znajści ŭ IT-śfiery», — prakamientavaŭ «NN» Pavieł.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju26
Kamientary