Miarkujučy pa siońniašniaj sustrečy Alaksandra Łukašenki ź vice‑staršynioj PA ABSE, kiraŭnicaj misii karotkaterminovych naziralnikaŭ ABSE na parlamenckich vybarach u Biełarusi An‑Mary Lizen, łukašenkaŭcy vyčekvajuć reakcyi Eŭrasajuzu, zachoŭvajučy raniejšy palityčny kurs.
U inšaj sytuacyi Alaksandar Łukašenka hrymieŭ by i sklikaŭ hienerałaŭ HB, a siońnia ścipleńka nahadaŭ, što Biełaruś «čakaje ad Eŭropy admieny ŭsialakich sankcyj, jakija eŭrapiejcy ŭviali». U jakaści dymavoj zasłony pajšli ŭ chod tradycyjnyja klatvy ŭ viečnaj družbie z Rasijaj. 6 kastryčnika, darečy, da vasałaŭ u Miensk prylataje Pucin — sa svajoj inicyjatyvy.
Biełaruskija ŭłady zrabili vyhlad, što nie zaŭvažyli taho, što naziralnaja misija ABSE nazvała vybary «nieadpaviednymi demakratyčnym standartam»
Dziaržaŭnyja telekanały pieradali tolki pieršyja słovy An-Mary Lizen na ŭčorašniaj pres-kanfierencyi ŭ Miensku ab tym, što niekatoryja «stanoŭčyja syhnały» padčas hetaj «vybarčaj kampanii» naziralnikami byli adznačanyja. Ale ab tym, što kiraŭnik misii naziralnikaŭ skazała, što hetyja sihnały byli nie vialikimi, a «vybary» prajšli z parušeńniami standartaŭ ABSE i pryznanyja niesvabodnymi i niespraviadlivymi – u dziaržSMI nie było skazana ani słova. Nie paviedamlajecca i pra tym, što naziralniki ABSE adznačyli «kiepski abo niezdavalnialny» praces padliku hałasoŭ u 48 % vypadkaŭ, što 35 % naziralnikaŭ uvohule nie byli dapuščanyja da padliku hałasoŭ.
Lidzija Jarmošyna, jak ničoha nijakaha, pabačyła ŭ spravazdačy naziralnikaŭ podych pieramienaŭ.
Pra što heta śviedčyć? Pieradusim pra toje, što ŭłady chočuć praciahvać svaju hulniu z Eŭropaj, spadziejučysia takim čynam palepšyć investycyjny imidž krainy, pry hetym całkam zachoŭvajučy manipulatyŭnuju systemu. Zachoŭvajecca raniejšy palityčny kurs, šantaž naziralnikaŭ novymi represijami suprać apazycyi ŭ vypadku niepryznańnia vybaraŭ akazaŭsia pakaznym.
