Pra heta Alaksandr Łukašenka zajaviŭ siońnia na pieramovach z kamisaram pa jeŭrapiejskaj palitycy susiedstva i pieramoŭ ab pašyreńni ES Johaniesam Chanam, paviedamlaje BiełTA
«Viadoma ž, biez palityki nie moža isnavać nivodnaja arhanizacyja, ale nielha dapuścić, kab «Uschodniaje partniorstva» stała čysta palityzavanaj arhanizacyjaj. I nie daj boh pastavili metu pierad krainami «Uschodniaha partniorstva», kab hety pojas staŭ padzialalnaj zonaj pamiž Jeŭrasajuzam i Rasijaj, Kitajem, Uschodam», — padkreśliŭ kiraŭnik dziaržavy.
«My vialikuju ŭvahu ŭdzialajem našamu supracoŭnictvu ŭ ramkach hetaj arhanizacyi. I ŭ hetym płanie vy možacie na nas raźličvać. Naša pažadańnie — kab «Uschodniaje partniorstva» było bolš pryziemlenym, kab jano było praktyka-aryjentavanym», — adznačyŭ Alaksandr Łukašenka.
Pavodle jaho słoŭ, u ramkach «Uschodniaha partniorstva» nieabchodna vyrašać tyja zadačy, jakija stajać pierad Jeŭropaj, i prasoŭvać tyja prajekty, jakija ciapier aktualnyja, u tym liku ŭ takich śfierach, jak enierhietyka, transpart, łahistyka. «U tym liku i žyćcio ludziej, vizavyja pytańni, kab b my mahli ŭ bolšym abjomie i valniej razmaŭlać ź Jeŭropaj, a vy — svabodna pryjazdžać u Biełaruś», — dadaŭ kiraŭnik krainy.
