Strasburhskija sudździ kanstatavali, što litoŭskija viedamstvy «addali absalutnaje prava pieršynstva abaronie pravoŭ viernikaŭ, ale naležnym čynam nie pryniali da ŭvahi prava zajaŭnikaŭ na svabodu samavyjaŭleńnia», paviedamlaje delfi.lt.
Piersanažami rekłamnaj kampanii adzieńnia dyzajniera Robiertasa Kalinkinasa vosieńniu 2012 hoda stali małady doŭhavałosy mužčyna i žančyna ŭ biełym adzieńni.
Pobač z hetymi piersanažami byli nastupnyja repliki: «Isus, jakija ŭ ciabie štany!», «Maryja, darahaja, jakaja sukienka!» i «Isus, Maryja, u što jany apranutyja!».
Tahačasnaja Dziaržaŭnaja inśpiekcyja pa niecharčovych tavarach, u jakuju pastupiła skarha, aštrafavała stvaralnikaŭ rekłamy, a litoŭskija sudy kanstatavali, što rekłama vidavočna idzie nasupierak ź dziejnymi ŭ hramadstvie maralnymi ŭstanoŭkami.
Adnak JESPČ prapanavaŭ inšuju acenku: na jaho pohlad, «rekłama zvonku nie vyhladaje zanadta abraźlivaj abo śviatatackaj», jana taksama nie raspalvaje varožaść pa relihijnaj prykmiecie.
Dyzajnier apublikavaŭ rašeńnie suda. Jon zapeŭnivaŭ, što metaj rekłamy nie było pakryŭdzić viernikaŭ.
«Rašeńnie spryjalnaje, i jano nas raduje, ale ni tady, ni ciapier ja nie chaču vyśmiejać ci pakryŭdzić ludziej, jakija pavažajuć tuju ci inšuju relihiju», — skazaŭ dyzajnier BNS.
«Prosta nielha karać ludziej za toje, što ŭ niekalkich čałaviek ŭźnikajuć tyja ci inšyja asacyjacyi», — dadaŭ jon.
Dziaržaŭnaja słužba abarony pravoŭ spažyŭcoŭ Litvy abiacaje pryniać da ŭvahi rašeńnie Jeŭrapiejskaha suda pa pravach čałavieka (JESPČ) u Strasburhu pra toje, što Litva nieabhruntavana abmiežavała rekłamu adzieńnia ź piersanažami Isusa i Maryi.
Advakat Zihmas Haralavičus, jaki adstojvaŭ u sudach Biskupskuju kanfierencyju Litvy, zajaviŭ, što paśla rašeńnia JESPČ pryjdziecca lepš arhumientavać, čamu ździeki z relihijnych simvałaŭ u Litvie nieprymalnyja.
«Viedamstvu pryjdziecca lepš artykulavać, čamu ŭ Litvie heta važna, čamu ludzi hetym niezadavolenyja», — reziumavaŭ juryst.
Pavodle jaho słoŭ, zychod hetaj spravy nie aznačaje, što «relihijnyja simvały možna budzie vykarystoŭvać jak chočacca i ŭ lubym kantekście».
Pa dadzienych pierapisu nasielnictva Litvy 2011 hoda, prychilnikami katalictva ŭ krainie źjaŭlajecca 77% žycharoŭ krainy.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary