Municypalitet Amsterdama vypuściŭ pastanovu, što robić bolš žorstkimi ŭmovy naviedvańnia kvartała čyrvonych lichtaroŭ dla ekskursijnych hrup. Ab hetym paviedamlajecca na aficyjnym partale haradskich uładaŭ.
AP
Z krasavika 2018 hoda hrupam bolš čym ź piaci čałaviek pryjdziecca atrymlivać u meryi śpiecyjalny dazvoł na vizit da rabotnic seks-industryi. Akramia hetaha, u kvartale turystam zabaroniać užyvać ałkahol i narkotyki. Ale samaje važnaje źmianieńnie zaklučajecca ŭ tym, što im budzie zabaroniena hladzieć na prastytutak u vitrynach — hid musić pakłapacicca, kab jaho hrupa stajała śpinaj da dziaŭčat.
Akramia taho, uvodzicca aficyjnaja zabarona na fotazdymku ŭ kvartale. Ekskursii pavinny stać cichimi i zakančvacca ŭ 23 hadziny. Pierad pačatkam ekskursii hid pavinien budzie prasić turystaŭ, kab tyja prajaŭlali pavahu da miascovych žycharoŭ, pradprymalnikaŭ i prastytutak.
Adkaznaść za vykanańnie pravił ŭskłali na ekskursavodaŭ, pryčym u vypadku parušeńnia niezaležnaha hida aštrafujuć na 190 jeŭra, dla akredytavanych hidaŭ z turystyčnych kampanij štraf składzie 950 jeŭra. Paśla troch parušeńniaŭ ekskursavod pazbavicca licenzii, piša lenta.ru
