Izrailskaja avijacyja naniesła ŭdar pa iranskich celach u Siryi, paśla čaho pa samalotach byŭ adkryty ahoń ź sistem SPA. U vyniku adzin sa źniščalnikaŭ byŭ źbity i ŭpaŭ na poŭnačy Izraila, lotčyki žyvyja, zajavili izrailskija vajskoŭcy.
Jak paviedamiŭ pradstaŭnik armii Izraila padpałkoŭnik Jonatan Kanrykus, nad terytoryjaj krainy byŭ pierachopleny iranski bieśpiłotnik, zapuščany z terytoryi Siryi. Paśla čaho izrailcianie ŭ adkaz atakavali «iranskija celi» ŭ Siryi.
Metaj udaraŭ stali iranskija sistemy kantrolu, jakija nakiroŭvali dron. Padraździaleńni SPA Siryi, u svaju čarhu, adkryli masiravany ahoń pa samalotach, źbiŭšy izrailski źniščalnik F-16.
Dvoje piłotaŭ znachodziacca ŭ biaśpiecy — jany katapultavalisia i byli dastaŭleny ŭ špital, padkreślivajuć izrailskija vajskoŭcy.
Inšyja detali zdareńnia nieviadomyja. Siryjskija ŭłady pakul aficyjna nie prakamientavali incydent. Raniej u padobnych vypadkach jany abvinavačvali Izrail u ahresii i vykarystoŭvali SPA, ale da hetaha času im nie ŭdavałasia źbivać izrailskija źniščalniki.
U toj ža čas dziaržaŭnaje ahienctva SANA sa spasyłkaj na ananimnuju krynicu paviedamlaje, što siryjskija SPA nibyta padbili bolš, čym adzin samalot
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary