Razumnaja kałonka maje nastolki manalitny korpus, što niemahčyma trapić unutr, nie paškodziŭšy jaho. Śpiecyjalistam navat daviałosia vykarystoŭvać nažoŭku, kab zazirnuć unutr smart-dynamika. iFixit adznačaje, što, mahčyma, usio ž isnuje biasškodny sposab adkryćcia pryłady, ale znajści jaho nie atrymałasia.
U kanstrukcyi ŭžyta vialikaja kolkaść vielmi tryvałaha klejučaha rečyva, što dadatkova ŭskładniaje demantaž kampanientaŭ. Adnak heta stanoŭča skazvajecca na ŭstojlivaści kałonki da padzieńniaŭ.
Paśla raźbirańnia Apple HomePod sabrać jaho nazad z zachavańniem pieršapačatkovaha vyhladu akazałasia niemahčymym. Śpiecyjalisty acanili ramontaprydatnaść u minimalny adzin bał.
Apple HomePod — biespravadny smart-dynamik, raspracavany kampanijaj Apple i prezientavany ŭ červieni 2017 hoda. Prodažy pačalisia tolki ŭ lutym 2018-ha. Kiravańnie pryładaj adbyvajecca z dapamohaj hałasavych kamand, jakija ŭsprymajucca virtualnym pamočnikam Siri.