Śviedki raskazvajuć, što ŭsio pačałosia sa sprečki pamiž adnym z łyžnikaŭ i snoŭbardystaŭ z-za padjomnika. Svarka skončyłasia tym, što abodva ŭpali na śnieh.
— Ja zavaliŭ łyžnika i trymaŭ jaho, sprabavaŭ supakoić, a ŭ hety čas inšy łyžnik udaryŭ mianie čaravikom pa tvary. A potym uciok. Pakul achova padniałasia na haru, užo daviałosia vyklikać milicyju, — kaža snoŭbardyst, jaki da hetaha času lažyć u špitali.
Zaviedziena kryminalnaja sprava pa art. 149 Kryminalnaha kodeksa Respubliki Biełaruś (Naŭmysnaje pryčynieńnie mienš ciažkaha cialesnaha paškodžańnia).
Zavadatar kanfliktu (pieršy łyžnik, ź jakim paspračaŭsia snoŭbardyst) znachodziŭsia ŭ stanie ałkaholnaha apjanieńnia.