Ułady Arhienciny raskryli schiemu z pastaŭkaj narkotykaŭ praz dypmisiju ŭ Jeŭropu i Rasiju, piša miascovaja hazieta.
U śniežni 2016 hoda ŭ Ministerstvie biaśpieki razdaŭsia zvanok ad rasijskaha pasła. Jon znajšoŭ 12 dypłamatyčnych pasyłak z kakainam u škole pry pasolstvie, piša arhiencinskaja hazieta Todo Noticias. Pa dadzienych vydańnia, pravaachoŭnyja orhany vyjavili 389 kh narkotyku, pafasavanaha ŭ 360 pakietaŭ. Ab vyjaŭleńni pieradaje Associated Press sa spasyłkaj na ministra biaśpieki krainy.
Valizki prynios supracoŭnik pasolstva ŭ lipieni 2016 hoda, jaki ŭ tym ža hodzie pakinuŭ dypmisiju, piša hazieta. Pavodle jaje danych, rasśledavańnie vyśvietliła, što da hetaha byli datyčnyja piaciora: dva čałavieki ŭ Arhiencinie i troje ŭ Rasii, jany zatrymanyja. Siarod ich inśpiektar palicyi Buenas-Ajresa i «były rasijski čynoŭnik» (pa dadzienych AP — supracoŭnik pasolstva). Jašče adzin čałaviek chavajecca na terytoryi Hiermanii, havorycca ŭ artykule.
Pa dadzienych arhiencinskaha vydańnia, pasyłki z narkotykam płanavałasia pierapravić dypłamatyčnaj poštaj u Rasiju i «niekatoryja krainy Jeŭropy».