Darožnaja abstanoŭka ŭ Minsku z-za śniehapadu ŭskładniłasia: uźnikajuć pieraboi ŭ ruchu hramadskaha transpartu, staličnaja DAI ŭviała płan «Nadvorje», paviedamlaje BiełTA.
Z samaj ranicy pieryjadyčna ŭźnikajuć zatrymki ŭ pracy hramadskaha transpartu (pieravažna tralejbusaŭ i tramvajaŭ), u asnoŭnym vyklikanyja DTZ. Byli ŭniesieny apieratyŭnyja karekciroŭki, arhanizavany časovy aŭtobusny maršrut, a praz paŭhadziny ruch pa zvykłych maršrutach byŭ adnoŭleny. Z ranicy zatrymki składali ad 10 da 20 chvilin, ciapier — da hadziny. Siervis «Jandeks.Zatory» aceńvaŭ situacyju z zatorami ŭ horadzie da 8 bałaŭ.
DTZ rehistrujucca va ŭsich rajonach horada. Adnak Dziaržaŭtainśpiekcyja zapeŭnivaje: ŭmovy nadvorja nie spravakavali bujnych avaryj. Tym nie mienš uviedzieny śpiecpłan «Nadvorje».
DAI zaklikaje kiroŭcaŭ źnižać chutkaść. U ciapierašni čas poŭnym chodam idzie rasčystka vulic ad śniehu i apracoŭka prajeznaj častki.
Pavodle infarmacyi DVA «Harramaŭtadar Minharvykankama», kolkaść vyviezienaha sa staličnych vulic śniehu z 1 sakavika ŭžo pieravysiła 14,1 tysiačy kubičnych mietraŭ.
