«Vy śpiekulujecie», «a vy hublajecie apošniaha sajuźnika»: da čaho apielujuć troli ŭ abmierkavańni małočnaj vajny na rasijskich sajtach?
Pamiž Biełaruśsiu i Rasijaj znoŭ pačałasia «małočnaja vajna» — Raśsielhasnahlad zabaraniŭ da pastavak u krainu amal usiu biełaruskuju małočku, embarha pačynaje dziejničać z 6 sakavika.
Tradycyjna, rasijski bok apieluje da nibyta sanitarnych parušeńniaŭ, a Biełaruś admaŭlaje ich najaŭnaść.
Alaksandr Łukašenka ŭvohule pracytavaŭ dakład śpiecsłužbaŭ.
«Mianie śpiecsłužby infarmujuć, što [rasijanie] zavieźli z Novaj Ziełandyi ci adkul suchoje małako, źjaviŭsia lišak, i jany pačynajuć nas prytrymlivać, pakul realizujuć małako pa vysokich cenach. Tamu im nie padabajecca tannaje małako», — patłumačyŭ jon dziejańni Rasii.
Ale ci tak heta?
U pošukach adkazu my źviarnulisia da rasijskich sajtaŭ i voś čamu: apošnija niekalki hod Rasija aktyŭna vykarystoŭvaje svaje infarmacyjnyja vojski pry lubych nahodach — vajna na Danbasie, Alimpijada, vybary prezidenta ZŠA, terakty ŭ Jeŭropie ci stvareńnie stanoŭčaha imidžu na forumach susiednich krain.
Tamu adnaznačna možna mierkavać, što infarmacyjnyja siły Rasii adznačylisia svajoj prysutnaściu i ŭ chodzie hetaj «małočnaj» vajny.
Takija troli, pa zaviadzioncy, pracujuć pa strohich mietadyčkach z centru, jakija akreślivajuć tematyku paviedamleńniaŭ — mnostva takich, vykazanych u adnym klučy dumak, pavinna stvaryć uražańnie hramadskaha mierkavańnia i patłumačyć nasielnictvu sankcyi ŭ dačynieńni sajuźnika.
My praanalizavali kamientary na najbolš papularnych rasijskich sajtach: RIA, «Arhumienty i fakty», «Komsomolskaja pravda», «Life» i inšych, kab vyjavić, jakija dumki paklikanyja danieści «troli».
Asnoŭny ich pasył taki: Biełaruś — heta chab pa pieraprodažu jeŭrapiejskaj pradukcyi ŭ Rasiju. Biełarusy pierabivajuć adras vytvorcy i pastaŭlajuć ruskim sankcyjnyja tavary — voś što razdražniaje Rasiju i voś na čym robiać nacisk troli.
Kamienty ŭ takim duchu mała padobnyja na skarhi zvyčajnych rasijan, bo zabarona jeŭrapiejskich praduktaŭ — heta pieradusim palityčnaje rašeńnie asobnaha čałavieka, a nie žadańnie miljonaŭ.
Tamu možna mierkavać, što zabarona biełaruskaj małočki — heta takaja sabie kryŭda na Łukašenku za toje, što jon sprabuje zarablać na kanflikcie Rasii i Zachadu.
Admietna, što asnoŭnaja dumka trolaŭ ź inšaha boku ŭ tym, što heta «vorahi» sabatujuć pastaŭki ź Biełarusi, bo Biełaruś — heta «apošni sajuźnik», jakoha «hublaje Rasija».
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj16
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary