Pra heta ŭ prahramie «Kontury» na telekanale ONT paviedamiŭ ministr unutranych spraŭ Biełarusi Ihar Šunievič, paviedamlaje BIEŁTA.
Pavodle jaho słoŭ, «mižnarodny narkatrafik ŭsprymaje našu krainu nie tolki jak tranziciora, ale i krainu spažyvańnia peŭnaj častki narkotykaŭ». «Ciapier my robim akcent na vyjaŭleńni kanałaŭ, pa jakich traplaje na našu terytoryju hetaje zielle «, — zajaviŭ ministr.
Havoračy ab mahčymym źmiakčeńni pakarańnia za narkazłačynstvy, Ihar Šunievič adznačyŭ, što Ministerstva ŭnutranych spraŭ nikoli nie było inicyjataram hetaha. «My dapuskajem mahčymaść razhladu hetaha pytańnia zakanadaŭcami, ale inicyjatyŭna my hetyja novaŭviadzieńni nie prapanoŭvali i prapanoŭvać nie budziem. Pakolki naša ćviordaja pierakananaść — my dasiahnuli peŭnych vynikaŭ i rabić krok nazad, na našu dumku, nielha. Ale kali budzie pryniaty taki zakon, to my budziem jaho vykonvać», — kanstatavaŭ kiraŭnik MUS.
Jon taksama vykazaŭ svajo mierkavańnie z hetaj nahody. «Nie dumaju, što ŭ nas zakony zvyšžorstkija ŭ hetaj častcy pa dvuch mierkavańniach. Kožny narkaman za čas svajoj «prafiesijnaj karjery» ŭciahvaje va ŭžyvańnie narkotykaŭ ad 8 da 10 čałaviek. I druhoje. Narkamanija, asabliva ciažki jaje sastaŭ — raspaŭsiud, što paciahnuŭ da hibieli, zaŭsiody idzie z učynieńniem šerahu inšych złačynstvaŭ — kradziažoŭ, hvałtu, zaražeńnia chvarobami. Heta ceły kompleks ź niehatyŭnymi nastupstvami, jaki ciahnie za saboj hety sacyjalny fienomien. Na moj pohlad, takija ž surjoznyja miery pavinna pradprymać dziaržava dla jaho pieraadoleńnia», — skazaŭ Ihar Šunievič.
