Pornaaktrysa Stefani Klifard, viadomaja pad psieŭdanimam Stormi Denijełs, padała na prezidenta ZŠA Donalda Trampa ŭ sud, paviedamlajuć sa spasyłkaj na adpaviedny dakumient CNN i NBC News. Pazoŭ pryniaŭ na razhlad sud najvyšejšaj instancyi Łos-Andželesa.
Pretenzii aktrysy, jak udakładniajuć telekanały, źviazanyja z pahadnieńniem ab nievydavańni infarmacyi ab jaje intymnaj suviazi z amierykanskim lidaram — pornazorka śćviardžaje, što hetuju damoŭlenaść nielha ličyć sapraŭdnaj, bo Tramp jaje nikoli nie padpisvaŭ.
Havorka, jak tłumačyć CNN, idzie pra epizod, kali padčas pieradvybarnaj kampanii ŭ ZŠA ŭ 2016 hodzie šmatlikija žančyny, u tym liku Klifard, źbiralisia padzialicca z žurnalistami infarmacyjaj ab svaich pryvatnych sustrečach z tahačasnym kandydatam u prezidenty ad Respublikanskaj partyi. Adnak abaronca Trampa, adzin ź viadučych advakataŭ Trump Organization Majkł Koen, jak raspaviała Klifard, tady raspačaŭ namahańni, kab prymusić jaje zamaŭčać.
Tak, 28 kastryčnika 2016 hoda, usiaho za tydzień da prezidenckich vybaraŭ, jana padpisała pahadnieńnie ab nievydavańni infarmacyi, a taksama supravadžalny dakumient da jaho. Podpis za Trampa na hetych dakumientach, pa słovach Klifard, pastaviŭ Koen. Sam ciapierašni prezident ZŠA, jak śćviardžajecca ŭ pazovie, nikoli hetaha nie rabiŭ, niahledziačy na toje, što ŭ dakumiencie byli praduhledžany propuski dla jaho podpisu.
Kamientary