«Tysiačy zahinułych, źbiralisia rasstralać centr Kijeva»: u SBU raspaviali ab praduchilenym terakcie
Pa słovach kiraŭnika SBU, va Ukrainie pavinien byŭ paŭstać chaos, što paciahnuła b vychad ludziej na vulicy, pierakid armii z Danbasa ŭ stalicu. Pa słovach kiraŭnika SBU, udałosia praduchilić maštabnyja terakty.
Čytajcie: Kiraŭnik ukrainskaha «Centra vyzvaleńnia pałonnych» zatrymany pry sprobie ŭvozu arsienału zbroi z DNR. Imavierna, byŭ rasijskim ahientam
Terarystyčny akt, u arhanizacyi jakoha prymaŭ udzieł kiraŭnik Centra vyzvaleńnia pałonnych «Aficerski korpus» Uładzimir Ruban, płanavałasia ažyćciavić u centry Kijeva, pavinny byli zahinuć tysiačy čałaviek. Pra heta na pres-kanfierencyi raskazaŭ staršynia SBU Vasil Hrycak.
«U dalejšym my damo śviedčańnie taho, što płanavałasia ažyćciavić masavy terakt. Ź minamiotaŭ źbiralisia rasstralać centralnuju častku Kijeva. Pavinna być jak maha bolš trupaŭ, jak maha bolš kryvi. Havorka išła pra tysiačy zahinułych», — skazaŭ Hrycak. Pavodle jaho słoŭ, va Ukrainie pavinien paŭstać chaos, što paciahnuła b vychad ludziej na vulicy, pierakidvańnie armii z Danbasa ŭ stalicu, kab skłałasia karcinka, što va Ukrainie sapraŭdy adbyvajecca hramadzianskaja vajna. Na kanfierencyi pakazali videazapisy, na jakich vidać, jak padazravany i pradstaŭniki terarystaŭ nahružajuć aŭtamabil bojeprypasami, a taksama momant zatrymańnia Rubana i pieratrus hruzavika.
Sud vybraŭ Rubanu mieru strymańnia ŭ vyhladzie zaklučeńnia pad vartu terminam na 60 sutak.
-
Na prezidenckich vybarach u Iranie lidziruje kansiervatyŭny kandydat
-
Dziesiaciarych cyvilnych ukraincaŭ, vyzvalenych paśla źniavoleńnia ŭ Rasii i Biełarusi, sustreli ŭ kijeŭskim aeraporcie «Žulany» FOTAFAKT
-
Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
Kamientary