Kiraŭnik ukrainskaha «Centra vyzvaleńnia pałonnych» zatrymany pry sprobie ŭvozu arsienału zbroi z DNR. Imavierna, byŭ rasijskim ahientam
Novy skandał va Ukrainie. Na prapusknym punkcie na linii raźmiežavańnia z akupavanaj terytoryjaj Danbasa ŭkrainskija pamiežniki vyjavili hihancki arsienał zbroi ŭ hruzie mebli. Vioz jaho asabista Uładzimir Ruban — kiraŭnik inicyjatyvy Centr vyzvaleńnia pałonnych pry hramadskim abjadnańni «Aficerski korpus».
U hruzie byli vyjaŭlenyja minamiot, aŭtamaty, hranatamioty, hranaty, miny, tysiačy patronaŭ.
Ruban vioŭ na Danbasie pieramovy ab vyzvaleńni ŭkrainskich pałonnych. Jon nazyvaŭ siabie «hienierałam», choć u svoj čas zvolniŭsia z armii ŭ zvańni małodšaha lejtenanta.
Rubana ličyli blizkim ź Viktaram Miedviedčukom — ukrainskim multymiljanieram, jaki asabista siabruje z prezidentam Rasii Uładzimiram Pucinym. Pucin — chrosny baćka dziciaci Miedviedčuka.
Sud aryštavaŭ Rubana na 60 dzion. Idzie śledstva. Ułady Ukrainy padazrajuć, što Ruban byŭ častkaj zmovy. Ukrainskija ŚMI śćviardžajuć, što zmoŭniki płanavali atakavać Viarchoŭnuju Radu ŭ časie znachodžańnia tam kiraŭnictva krainy, u tym liku i prezidenta.
Rubana i raniej padazravali ŭ dvajnoj hulni. U pryvatnaści, krytyku vyklikali niekatoryja jahonyja zajavy na temy situacyi ŭ Danbasie.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary