U Vaŭkavysku zarehistravana ŭžo 20 vypadkaŭ adru, paviedamiła karespandentu BiełTA namieśnik načalnika adździeła hihijeny, epidemijałohii i prafiłaktyki Ministerstva achovy zdaroŭja Ina Karaban.
«Na siońnia ŭ Vaŭkavysku paćvierdžana 20 vypadkaŭ zachvorvańnia na adzior. Za ludźmi, jakija byli ŭ kantakcie z tymi, chto zachvareŭ, viadziecca miedycynskaje nazirańnie. Heta dazvalaje svoječasova vyjavić zachvorvańnie i pačać lačeńnie pacyjentaŭ. Siarod kantaktnych žycharoŭ novych vypadkaŭ adru nie vyjaŭlena», — raspaviała Ina Karaban.
Zachvorvańnie ŭ bolšaści vypadkaŭ vyjaŭlena ŭ tych, chto nie byŭ pryščepleny. Padtyp adru, jaki zaraz rehistrujecca ŭ Vaŭkavysku, raniej u Biełarusi nie cyrkulavaŭ. Jon sustrakajecca ŭ krainach Jeŭropy, u tym liku va Ukrainie. Hety fakt dazvalaje mierkavać, što virus byŭ zaviezieny ź niejkaj jeŭrapiejskaj krainy.
Hienatyp virusa nie ŭpłyvaje na ciažar zachvorvańnia, jano praciakaje va ŭsich pacyjentaŭ praktyčna adnolkava. Kali ŭ čałavieka imunitet panižany, jon budzie pieranosić chvarobu ŭ bolš ciažkaj formie. Pradstaŭnica Ministerstva achovy zdaroŭja źviarnuła ŭvahu, što nikoli nie varta stavić pad sumnieŭ efiekt vakcynacyi — heta adziny navukova dakazany sposab prafiłaktyki zachvorvańnia.
