U bližejšyja vychodnyja dni ŭ Biełarusi zachavajecca ŭmierana ciopłaje nadvorje, daždžoŭ budzie niašmat. Pra heta paviedamiła hałoŭny sinoptyk Biełhidramietcentar Volha Fiadotava.
U subotu čakajucca nievialikija daždžy, pieravažna pa paŭnočnaj častcy Biełarusi. Unačy i zranku ŭ asobnych rajonach tuman. Viecier zachodni i paŭdniova‑zachodni ŭmierany. Tempieratura ŭ noč na subotu +4…+10, udzień — 10…15 ciapła.
U niadzielu nievialikija daždžy prahnazujucca pieravažna ŭ paŭnočna‑ŭschodnich rehijonach Biełarusi. Unačy i zranku buduć tumany. Unačy tempieratura budzie ad 4 da 10 ciapła, a ŭdzień budzie chistacca ad +11 na poŭnačy da +18 na poŭdni krainy.
Fiadotava: Na pačatku nastupnaha tydnia charaktar nadvorja istotna nie źmienicca. Budzie ŭmierana ciopła. Načnaja tempieratura — ad 4 da 10 ciapła, udzień ad 9 da 16. Daždžy buduć karotkačasovymi i projduć tolki ŭ asobnych rajonach krainy.
Pa słovach sinoptykaŭ, sapraŭdnyja vosieńskija daždžy pačnucca ź siaredziny nastupnaha tydnia.
Eŭraradyjo, fota photo.bymedia.net