20 sakavika padčas sustrečy kiraŭnika Biełarusi z tvorčaj moładździu zapytalisia, kali Łukašenka narešcie prydzie ŭ sacyjalnyja sietki. U pryvatnaści havorka viałasia pra Instagram.
Prezident skazaŭ, što pres-sakratarka Natalla Ejsmant daŭno ŭhavorvaje jaho pryjści ŭ sacyjalnyja sietki. «Maraj žyvie, kab u mianie dzieści była staronka».
«Ale ž tam budzie navat nie tysiača paviedamleńniaŭ. Vy ž usie budziecie pisać z metaj parazmaŭlać z prezidentam», — skazaŭ Łukašenka. Kiraŭnik Biełarusi adznačyŭ, što adkazać usim asabista nie zmoža, a najmać pamočnika, kab adkazvaŭ toj, ličyć niačesnym.
«Pakul ustrymajusia. Sajt prezidenta jość, čamu vy tudy nie pišacie?» — skazaŭ biełaruski lidar.
U svaju čarhu Natalla Ejsmant zapeŭniła, što bližejšym časam, mahčyma, budzie stvoranaja staronka ŭ instahramie pres-słužby prezidenta, dzie možna budzie dzialicca niefarmalnymi zdymkami, jakija nie traplajuć na aficyjny sajt.
