Alaksandr Łukašenka padkreślivaje asablivuju družbu pamiž narodami Biełarusi i Hruzii i dobryja pačućci, jakija zastalisia jašče z savieckich časoŭ. Ab hetym kiraŭnik biełaruskaj dziaržavy zajaviŭ siońnia ŭ Tbilisi na pieramovach z prezidentam Hruzii Hiorhijem Marhviełašvili.
«Ja sapraŭdy siudy jedu jak dadomu. Choć i druhi raz. Ale ja adčuvaju, što tut blizkija nam ludzi», — skazaŭ jon.
Alaksandr Łukašenka adznačyŭ, što, budučy prezidentam, byvaŭ šmat razoŭ u roznych krainach. «Ščyra skažu, što ŭ niejkija pajezdki jedzieš i viedaješ, što heta ciažkaja praca. U Hruziju, ja razumieju, što jedu pracavać, ale ź vialikim chvalavańniem zaŭsiody i ŭ čakańni, što tut vielmi dobryja, łahodnyja, prystojnyja ludzi», - skazaŭ jon.
Kiraŭnik biełaruskaj dziaržavy pahadziŭsia sa słovami hruzinskaha lidara pra toje, što supracoŭnictva dźviuch krain raźvivajecca ŭ pieršuju čarhu dziela hramadzian. Heta datyčycca ŭzajemadziejańnia jak u śfiery pastavak i vytvorčaści praduktaŭ charčavańnia, tak i składanaj techniki. «Dumaju, što ŭ vyniku našych dvuchdzionnych sustreč my znojdziem i inšyja šlachi pastavak u Biełaruś i nazad, kab bolš aktyŭna išoŭ tavaraabmien», - upeŭnieny Alaksandr Łukašenka.
