U Lachavičach zarehistravana zachvorvańnie na adzior čatyrochmiesiačnaha dziciaci, paviedamiŭ BIEŁTA hałoŭny ŭrač centralnaj rajonnaj balnicy Hieorhij Chlabovič.
Dzicia rodam z Vaŭkavyska. U Lachavicki rajon jaho i dvuch starejšych unukaŭ 2014 i 2015 hadoŭ naradžeńnia 15 sakavika pryviezła babula, jakaja ŭziała nad dziećmi apiakunstva paśla taho, jak ich baćkoŭ pazbavili baćkoŭskich pravoŭ. Čatyrochmiesiačnaje dzicia da pierajezdu znachodziłasia ŭ Vaŭkavysku ŭ balnicy. Z padazreńniem na zachvorvańnie na adzior 17 sakavika jaho dastavili ŭ infiekcyjnaje adździaleńnie Lachavickaj rajonnaj balnicy. Nieŭzabavie dyjahnaz byŭ paćvierdžany virusałahičnaj łabaratoryjaj ŭ Minsku. Dla dalejšaha lačeńnia 21 sakavika pieraviali ŭ dziciačaje infiekcyjnaje adździaleńnie Baranavickaj haradskoj balnicy.
Jaho stan miedyki aceńvajuć jak ciažki i stabilny.
U Vaŭkavysku było łabaratorna paćvierdžana 24 vypadki adzioru.
