Kamitet Nacyjanalnaha banka pryniaŭ rašeńnie admović u nabyćci praz AT «Parytetbank» (Biełaruś) istotnaha ŭdziełu ŭ pryvatnym akcyjaniernym tavarystvie «Śbierbank» (Kijeŭ) u pamiery 100% jaho statutnaha kapitału.
Ab hetym paviedamlajecca na aficyjnym sajcie NBU.
«NBU admoviŭ va ŭzhadnieńni apasrodkavanaha istotnaha ŭdziełu ŭ PAT «Śbierbank» akcyjaniernamu tavarystvu «Parytetbank» u suviazi ź nieadpaviednaściu zajaŭnika patrabavańniam zakanadaŭstva Ukrainy», — havorycca ŭ paviedamleńni.
NBU ŭžo paviedamiŭ zajaŭnika ab svaim rašeńni, a taksama abmierkavaŭ z novym kiraŭnictvam AAT «Śbierbank» pytańnie dalejšaj stratehii finustanovy.
Pakiet dakumientaŭ na ŭzhadnieńnie hetaha pahadnieńnia padało ŭpraŭleńnie spravami prezidenta Biełarusi 22 śniežnia 2017 hoda.
Nahadajem, Śbierbank u kancy sakavika 2017 abviaściŭ ab prodažy 100% akcyj ŭkrainskaj «dački».
Śbierbank chacieli nabyć biznesmen Hryhoryj Husielnikaŭ i syn rasijskaha biznesoŭca Michaiła Huceryjeva Said, adnak NBU admoviŭ im u kupli.
Cikavaść da kupli vyjaŭlaŭ i biełaruski biźniesmien Viktar Prakapienia, kampanija jakoha - VP Capital - u pačatku lipienia padała ŭ NBU zajaŭku na nabyćcio ŭkrainskaha Śbierbanka, ale ŭ kancy taho ž miesiaca adklikała, piša Ukrainskaja praŭda.
