U Kličavie šukajuć źnikłaha na race siamihadovaha chłopčyka, paviedamiŭ BiełTA staršynia Mahiloŭskaj abłasnoj arhanizacyi Asvod Mikałaj Majsiejeŭ.
Jon raspavioŭ, što siońnia hrupy MNS i Asvoda Mahiloŭskaj vobłaści šukali ŭ race Olsa (Kličaŭ) siamihadovaha chłopčyka, jaki zvaliŭsia ŭ vadu. «Na zimu my sychodzili pry vysokaj vadzie. Reki ŭsie byli vyšej za zvyčajny ŭzrovień, kali staŭ lod, a zatym vada syšła i na bierazie zastalisia tak zvanyja bałkončyki — da bieraha prymierźli ildzinki. Zaraz Olsa vyzvaliłasia ad lodu i vyjšła na raźliŭ. Atrymałasia, što dzicia vyjšła na hety bałkončyk, źjechała z kryhi ŭ vadu, i jaho paniesła płyńniu. Siońnia adpracavała hrupa MNS našaj vobłaści i naša pošukavaja hrupa Asvod, na žal, dzicia my nie vyjavili. Zaŭtra pošuki buduć praciahvacca», — skazaŭ jon.
Chłopčyk byŭ razam sa svajoj susiedkaj. «Dziaŭčynka, jakaja ŭsio heta bačyła, pasprabavała klikać na dapamohu, ale tam pryvatny siektar i nichto nie adazvaŭsia. Potym jana pabiehła dadomu, i adtul jany ŭžo vyklikali MNS», — adznačyŭ Mikałaj Majsiejeŭ.
