U dziejańniach vykonvajučaha abaviazki dyrektara ahrakambinata «Uschod» Viktara Rabcava adsutničaje skład złačynstva, praduhledžanaha art. 339/1 KK «Žorstkaje abychodžańnie z žyviołaj», raspaviali Tut.by u abłasnym upraŭleńni Śledčaha kamiteta. Zoaabaroncy z hetym nie zhodny — i praciahvajuć źbirać podpisy pad pietycyjaj za źniaćcie Rabcava z pasady. Jaje źbirajucca adpravić kiraŭniku vobłaści.
Pa słovach supracoŭnikaŭ ahrakambinata «Uschod», vykonvajučy abaviazki dyrektara ahrakambinata «Uschod» Viktar Rabcaŭ stralaŭ ź pnieŭmatyki pa sabakach na dvuch fiermach dniom 7 studzienia. U vyniku adna z sabak pazbaviłasia voka. Druhaja kula trapiła ŭ šyju.
Kiraŭnik nie admaŭlaje, što stralaŭ, ale padkreślivaje: jon adpudžvaŭ žyvioł, jakija pavodzili siabie ahresiŭna, a nie paliŭ pa ich prycelna.
— Sabak, jakija svabodna biehajuć pa terytoryi fiermy, być nie pavinna — ni svaich, ni prybłud. Heta parušeńnie sanitarnych norm, za jakoje mohuć vypisać surjozny štraf. Dy i nie ŭ štrafie sprava, a ŭ zdaroŭi ludziej i žyvioły. Mała taho što sabaki ahresiŭna siabie pavodziać, tak jany jašče mohuć stać raspaŭsiudžvalnikami šalenstva — niedaloka les, lisy, — tłumačyŭ jon.
Pravierku pa fakcie stralby pravodziŭ Mahiloŭski mižrajonny adździeł Śledčaha kamiteta.
— Sudova-vieterynarnaja ekśpiertyza pakazała, što naniesienyja sabakam paškodžańni nie źjaŭlajucca kalectvam. U suviazi z hetym u dziejańniach Rabcava adsutničaje skład złačynstva, praduhledžanaha artykułam za žorstkaje abychodžańnie z žyviołaj, — udakładniła aficyjny pradstaŭnik abłasnoha USK Aksana Saleniuk.
Pa słovach Viktara Rabcava, paśla taho vypadku i papiaredžańniaŭ ab tym, što sabak na terytoryi fierm być nie pavinna, adna supracoŭnica ŭsio roŭna pryviała svajho sabaku.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary