Dziaržaŭny pahraničny kamitet apublikavaŭ hrafik raboty punktaŭ sproščanaha propusku na dziaržaŭnaj hranicy Biełarusi ŭ pieryjad śviatkavańnia Vialikadnia pa kalendary katalickaj kanfiesii.
Tak, na hranicy ź Litvoj štodzień kruhłasutačna budzie pracavać punkt propusku «Vidzy» (Tviaračus). Punkt sproščanaha propusku «Kiemieliški» (Pryjenaj) adkryty 1 i 2 krasavika z 9.00 da 16.00, «Maldzievičy» (Aduciškis) - 1 krasavika z 8.00 da 20.00, «Łyntupy» (Papialakis) - 2 krasavika z 8.00 da 20.00. Pahranpierachod «Parečča» (Łatežerys) budzie pracavać z 8.00 da 18.00 štodzień, «Piaciuleŭcy « (Rakaj) - 31 sakavika i 1 krasavika z 8.00 da 18.00, «Dociški» (Ejšyškies) - z 9.00 da 19.00 štodzień, «Hieraniony» (Krakunaj) - z 11.00 da 17.00 pa subotach i niadzielach, «Pickuny» (Narviliškies) - 1 krasavika z 12.00 da 17.00 (ažyćciaŭlajecca propusk piešachodaŭ). U punktach sproščanaha propusku pierasiačeńnie hranicy dazvolena tolki hramadzianam, jakija pastajanna pražyvajuć na pryhraničnaj terytoryi.
«Źviartajem uvahu, što na hetych pahraničnych pierachodach ažyćciaŭlajecca tolki pahraničny kantrol, tamu dazvalajecca pieramiaščać tavary (rečy) dla asabistaha karystańnia, praduhledžanyja pieralikam», - adznačyli ŭ Dziaržpahrankamitecie.
Dziaržaŭnuju hranicu možna pierasiakać piaškom, na viełasipiedach i asabistych lehkavych aŭtamabilach. Pry sabie nieabchodna mieć pašpart ź vizaj sumiežnaj dziaržavy (u vypadku dziejańnia vizavaha režymu). Pry pieramiaščeńni aŭtatranspartam treba pradjavić paśviedčańnie ab rehistracyi transpartnaha srodku, a taksama dahavor strachavańnia «Zialonaja karta».
Dadatkovuju infarmacyju možna atrymać pa telefonie ŭ Minsku 8-017-216-26-12 (kruhłasutačna).
Kamientary