Rasijski šavinist Aviarjanaŭ-Minski nakinuŭsia na pres-sakratara BPC, jaki vystupaŭ na Dni Voli, — i atrymaŭ adłup
Na čarnasocienskim sajcie «Teleskop» źjaviŭsia materyjał, u jakim aŭtar aburajecca ŭdziełam pradstaŭnika BPC Siarhieja Lepina ŭ śviatkavańni 100-hodździa abviaščeńnia BNR.
U materyjale pryvodzicca pryvatnaja pierapiska Lepina z Kiryłam Aviarjanavym-Minskim — heta čałaviek, jakoha niekali pazbavili biełaruskaha hramadzianstva i zabaranili ŭjezd u krainu za antybiełaruskuju publicystyku.
Pačynajecca jana sa zvarotu da prataijereja: «Patryjoty Biełaj Rusi vami niezadavolenyja» (tut majecca na ŭvazie čarnasocienskaja supołka «UKantakcie» «My — patryjoty Biełaj Rusi», jakaja šmat u čym składajecca z botaŭ i rasijskich akaŭntaŭ — Red.).
«Ja imi taksama [niezadavoleny], heta nie patryjoty, heta zdradniki — tyja ž samyja «zmahary», tolki ź inšaha boku. Zvyčajnyja ruskija nacyki. I, miarkujučy pa tekście, złyja i nie vielmi razumnyja, — adkazvaje Lepin. — Ich palityčnaje adlustravańnie — «lićviny» — taksama nie ŭchvalaje BNR. Ja nie ździŭlusia, kali heta adny i tyja ž ludzi za tyja ž hrošy».
Dalej Aviarjanaŭ-Minski sprabuje pachadzić daŭno bitym kaniom — kaža, što łozunh «Žyvie Biełaruś!» nacyscki, bo jaho vykarystoŭvali kałabaranty.
«Nu kaniečnie! A łozunh «Słava Rasii» — heta, peŭna, prajava patryjatyzmu, tak?», — kpić z dopisaŭ na staroncy pravakatara Lepin.
Dalej Lepin akademična, sa spasyłkami na krynicy, tłumačyć Aviarjanavu, što łozunh «Žyvie Biełaruś!» sfarmulavany zadoŭha da Ajčynnaj vajny, a sučasnuju rasijskuju simvoliku taksama vykarystoŭvali kałabaranty.
«Jany jašče i trusy nasili, dyk što nam, biez trusoŭ ciapier chadzić?», — praciahvaje kuražycca Lepin.
Dalej, vidać, Siarhiej Lepin uziaŭ dy «prahuhliŭ» asobu čałavieka, jaki jamu piša. Pad uražańniem ad ubačanaha śviatar piša pravakataru:
«Ups. Maje kalehi kažuć, što Vy — aŭtar zabaronienaha ŭ Rasii i Biełarusi ruskaha nacysckaha sajta «Sputnik i Pohrom»? Što vy nie pryznajecie isnavańnie biełaruskaha narodu, movy, nie pryznajecie biełaruski suvierenitet, i navat pahražajecie źjaŭleńniem anałahaŭ «DNR» na ŭschodzie Biełarusi? Ci nie sami Vy — aŭtar hetaj biazmozhłaści i tupaści, jakaja drukujecca va ŭkazanaj vami supołcy?», — na hetym vykładzienaja pierapiska skančajecca.
Jak skazaŭ Siarhiej Lepin «Našaj Nivie», nijakaha dazvołu na publikacyju pierapiski jon nie davaŭ, a jahonyja ŭražańni ad kantaktu z hetym čałaviekam «vielmi niepryjemnyja».
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary